L'uniun CRB
Il FESTIVALET è in eveniment purtà da l'uniun Cultura Rumantscha en la Bassa (CRB). Quell’uniun è vegnida fundada l’onn 2022 da Corsin Derungs e collegas cun la finamira da derasar cultura rumantscha en l'entira Bassa. Dapi sia existenza ha l'uniun già organisà diversas occurrenzas da grond success a Turitg, Losanna, Cham, Baar, Soloturn e Berna. Uschia duessan seguir mintg'onn ulteriuras occurenzas punctualas en la diaspora rumantscha.
Il FESTIVALET è concipì sco in eveniment recurrent; el ha lieu per l'emprima giada ils 20 e 21 da zercladur 2025 a Turitg e duai esser in punct culminant en il carnet da la CRB. L'occurrenza sa drizza d'ina vart a la respectabla diaspora rumantscha da la Bassa, ma dastga render visibla la varietad e la vitalitad da la cultura rumantscha er ad in public general. Ed ella porscha qua giu la Bassa ina plattafurma singulara per artists ed artistas da la Rumantschia.
Il comité
Benedetto Vigne
President
Benedetto Vigne (*1951), da Salouf GR, abitescha a Turitg. È stà collavuratur redacziunal dal Tages Anzeiger (cultura) e redactur da musica tar RTR a Cuira. Rockadur (El Mar Treis), chantautur e litterat. Confundatur dals Dis da Litteratura a Domat (1990). President dal comité d' organisaziun e responsabel per il concept, il program ed il fundraising dal FESTIVALET.
Corsin Derungs
Co-President, president CRB
Corsin Derungs (*1951), da Danis GR, abitescha a Baar ZG. Fundatur da l'uniun purtadra CRB / Cultura Rumantscha en la Bassa. Pensiunà. El è stà blers onns emploià commerzial tar la polizia d'esters dal chantun Zug. El è stà president dal Chor viril rumantsch da Zug. Vicepresident dal comité d'organisaziun e responsabel per il program e per il fundraising dal FESTIVALET.
Gion Fry
Concept, creaziun
Gioni Fry (*1970), da Mustér, abitescha a Horgen. Graficist scolà e rockadur passiunà; maina atgna agentura da reclama e communicaziun (toc) a Turitg. Sia chasa editura Ediziuns Apart ha t.a. publitgà la versiun rumantscha dal «Hobbit» da Tolkien. Responsabel en il OK dal FESTIVALET per la lavur concepziunala e per la creaziun grafica.
Anita Simeon Lutz
Communicaziun
Anita Simeon Lutz (*1972), da Lantsch, abitescha a Neerach/ZH. Architecta diplomada. Ella è stada passa 10 onns schefredactura da «Das ideale Heim» e lavura actualmain tar Samariter Schweiz. Ultra da quai curatura tar Zurich Design Weeks. Responsabla per la communicaziun tar il FESTIVALET.
Johannes Just
reclama
Johannes Just (*1982), da Dresden e Platta/GR, abitescha a Turitg e Cuira. Graficist scolà e spezialist da reclama. Stà divers onns en posiziuns directivas tar la Geyst AG Turitg e lavura da nov tar communicaziun.ch. El è stà commember dals anteriurs rappunzs rumantschs Liricas Analas. Responsabel per la reclama dal FESTIVALET.
Remo Arpagaus
Decor, culissa
Remo Arpagaus (*), creschì si a Laax, ha absolvì il seminari da magisters a Cuira ed ha studegià musica al conservatori da Turitg. Studi sco decoratur da tribuna e designer da performance al Central Saint Martins College of Art and Design a Londra. Scenograf liber che porscha soluziuns per tribunas, per events e per exposiziuns. Las medemas incumbensas tar il FESTIVALET.
Gianna Duschletta
Coaching dal persunal
Gianna Duschletta (*1999), da S-chanf, abitescha a Cuira. Lavura sco magistra secundara. Ella è vice-presidenta da l'Uniun dals Grischs ed organisescha regularmain Poetry Slams. Responsabla en il comité d'organisaziun per coaching persunal.
Paula Nay
communicaziun
Paula Nay (*1983), oriunda da Trun, abitescha a Cuira. Suenter avair fatg la scolaziun da schurnalissem al MAZ a Lucerna ha ella midà dal radio tar la televisiun RTR. Dasperas ha ella studegià communicaziun multimediala ed eventmanagement. Oz è ella quasi mintga di en gir en il Grischun per l’emissiun da televisiun „Cuntrasts“. Tar il FESTIVALET fa ella girar la communicaziun.
Olivia Spinatsch
Administraziun, communicaziun
Olivia Spinatsch (*1979), da Savognin, abitescha a Turitg. Ella ha fatg studis d'actura e da communicaziun multimediala. Ella lavura sco assistenta, schurnalista e pledadra da professiun. Secretaria/administratura dal OK dal FESTIVALET, responsabla spezialmain per il webdesign e per la communicaziun.
Sandro Caduff
Finanzas
Sandro Caduff (*1994), oriund da la Lumnezia, abitescha a Matzingen/TG. Planisader diplomà da construcziun e tecnicher da fradaglia HF. Sesa en la suprastanza da l'uniun rumantscha Rezia Bassa. Cassier dal FESTIVALET.
Sandro Derungs
Tecnica
Sandro Derungs (*1992), da Surcasti, abita a Turitg. Pledader professiunal e cuninitiant da l'emprim podcast d'emprender rumantsch "Lumpazi". Al lavura sco cussegliader d'energia a Dübendorf. Surpiglia la funcziun sco tecnicist tar il FESTIVALET.